भक्तपुर — यस पटकको प्रतिनिधिसभा निर्वाचनबाट भक्तपुर क्षेत्र नम्बर १ ले तीन जना सांसद पाएको छ। प्रत्यक्षतर्फ रुकेश रञ्जित निर्वाचित भएका छन् भने समानुपातिकतर्फ प्रमिला कुलुजू र डा. गंगालक्ष्मी अवाल सांसद चयन भएका छन्।
प्रत्यक्ष निर्वाचनतर्फ विजयी भएका रञ्जित अब प्रतिनिधिसभामा भक्तपुर–१ को प्रतिनिधित्व गर्नेछन्। त्यस्तै समानुपातिकतर्फ राष्ट्रिय स्वतन्त्र पार्टीबाट प्रमिला कुलुजू र नेपाली कांग्रेसबाट डा. गंगालक्ष्मी अवाल प्रतिनिधिसभा सदस्यका रूपमा चयन भएका हुन्।
यससँगै भक्तपुर–१ बाट प्रत्यक्ष र समानुपातिक गरी तीन जना सांसद प्रतिनिधिसभामा पुग्ने भएका छन्। स्थानीय तहमा पनि यी तीनै जनाको चयनलाई भक्तपुरको प्रतिनिधित्व मजबुत बनाउने अपेक्षासहित हेरिएको छ।
