खरीपाटी: चाँगुनारायण नगरपालिकाले यो वर्षको राष्ट्रपति रनिङ शिल्ड प्रतियोगिता यही मंसिर २४ गतेदेखि गर्ने भएको छ । नगरपालिकाले यो वर्ष राष्ट्रपति रनिङ शिल्ड तथा नगरस्तरीय बृहत्त खेलकूद प्रतियोगिता यही मंसिर २४ देखि २६ गतेसम्म गर्न लागेको हो । नगरपालिकाले बिहीबार सूचना जारी गर्दै सो जानकारी गराएको हो ।
खेलकूद क्षेत्रलाई चलायमान बनाउँदै लगेको नगरपालिकाले यो वर्ष १० वटा विधामा प्रतिस्पर्धा गराउने भएको छ । जसमध्ये भलिबल, कवड्डी, उसु, कराते, एथलेटिक्स, तेक्वान्दो, फुटसल, क्योकुसिन कराते, क्रिकेट, ब्याडमिन्टन रहनेछ । प्रतियोगिताको पुरस्कार वितरण भने २८ गते गरिनेछ ।
नगरपालिकाले प्रतियोगितामा सहभागिताका लागि नगरभित्रका सम्पूर्ण विद्यालयलाई आह्वान समेत गरेको छ ।
