खरिपाटी । चाँगुनारायण नगरपालिकाले नगरकोट भ्रमण वर्ष-२०८२ लाई सफल बनाउन तथा चाँगुनारायणको पर्यटन प्रवर्द्धनमा सहयोग पुर्याउने उद्देश्यले धिमे बाजा प्रतियोगिता गर्ने भएको छ ।
नगरपालिकाले आगामी पुस २० गते शनिबारका दिन बागमती प्रदेशस्तरीय धिमे बाजा प्रतियोगिता आयोजना गर्न लागेको हो । प्रतियोगिता चाँगुनारायण नगरपालिका वडा नं ९, ताथलीको वडा कार्यालयसँगै आयोजना गरिनेछ ।
नगर प्रमुख जीवन खत्रीले नगरकोट भ्रमण लक्षित आयोजना गर्न लागिएको धिमे बाजा प्रतियोगितामा सहभागिताका लागि सबैमा आग्रह समेत गर्नु भएको छ ।
