खरीपाटी: चाँगुनारायण नगरपालिकाले युवा युवतीहरुलाई लक्षित गरि नि:शुल्क लोकसेवा तयारी कक्षा सञ्चालन गर्ने भएको छ । नगरपालिकाले एक सूचना जारी गर्दै लोक सेवा तयारी कक्षामा सहभागि हुन इच्छुक लाई नगरपालिकाको कार्यालय खरिपाटीमा निवेदन दिन आग्रह गरिएको छ ।
प्रमुख प्रशासकीय अधिकृत शिव प्रसाद हुमेगाईका अनुसार तयारी कक्षामा सहभागि हुन नगरपालिकाभित्र स्थायी रुपमा बसोबास गरेको हुनुपर्नेछ भने अन्य स्थानबाट बसाई सराई गरेको भए सम्बन्धीत वडाको सिफारिस आवश्यक पर्नेछ । निवेदन दिन इच्छुक ब्यक्तीले यही मंसिर १५ गतेभित्र निवेदन बुझाईसक्नुपर्नेछ ।
