पिखेल: चाँगुनारायण नगरपालिका वडा नं ५ पिखेलमा नवनिर्मित सिद्धी विनायक गणेश मन्दिर र पिखेल सामुदायिक भवनको उद्घाटन गरिएको छ । सोमबार पुजा आजासहित विधिवत रुपमा प्राण प्रतिष्ठान गरि नगर प्रमुख जीवन खत्रीले मन्दिर र भवनको उद्घाटन गर्नुभयो ।
सो अवसरमा नगर प्रमुख खत्रीले परापूर्व कालदेखि चल्दै आएको परम्परा, धर्म, संस्कृतिलाई जर्गेना गर्ने उद्देश्यले मन्दिर निर्माण भएकोमा खुसी ब्यक्त गर्नुभयो ।
मेयर खत्रीले आगामी दिनमा आवश्यक पर्ने थप सहयोग गर्न नगरपालिका तयार रहेको र यसको संरक्षणमा सबै जना एकजुट भएर लाग्नुपर्नेमा जोड दिनुभयो ।
वडा नंं ५ का वडाध्यक्ष जयन्द्र खडकाले पिखेलबासीको माग र आवश्यकतालाई मध्यनजर गर्दै सामुदायिक भवन र सिद्धि विनायक गणेश मन्दिर विधिपूर्वक गुरुहरुद्धारा पुजाआज गरि उद्घाटन गर्न पाएकोमा खुसी ब्यक्त गदै वडाले विकास निर्माणसँगै मानवीय र सामाजीक क्षेत्रमा पनि काम गरिरहेको बताउनुभयो ।
उद्घाटन कार्यक्रममा नगर उपप्रमुख रमेश बुढाथोकी, प्रमुख प्रशासकीय अधिकृत शिव प्रसाद हुमेगाइँ, जनप्रतिनिधिहरु, विभिन्न राजनीतिक दलका प्रतिनिधिहरु, समाजसेवी, बृद्धिजीवी तथा स्थानीयको सहभागिता थियो ।
