चाँगुनारायण: चाँगुनारायण नगरपालिकाका नगर प्रमुख जीवन खत्रीले नगरबासीलाई खानेपानीको समस्या समाधानमा लागिपर्ने बताउनु भएको छ ।
चाँगु, झौखेल, दुवाकोट खानेपानी तथा सरसफाई उपभोक्ता समितिको साधारण सभा तथा तेस्रो अधिबेशनको उदघाटन गर्नुहुँदै नगर प्रमुख खत्रीले नगरबासीको खानेपानीको समस्या समाधानका लागि लागिपरेको स्पष्ट पार्नु भएको हो ।
उहाँले चाँगुनारायण नगरपालिकाको समृद्धि र विकासका लागि जनप्रतिनीधिहरूले बल बुत्ताले म्याएसम्म सक्दो प्रयास गरिरहेको बताउनुहुँदै गलत प्रचार र हल्लाको पछि नलाग्न आग्रह समेत गर्नुभयो ।
नगर प्रमुख खत्रीले दिर्घकालीन पानीको मुहान पहिचान गरि खानेपानीको आयोजना निर्माण गर्न र मेलम्ची जस्तो ठूलो आयोजनासँग समन्वय गरेर सबै उपभोक्ता समितिहरूको पाईपलाईन मार्फत जनताको घरघरमा शुद्ध पिउने पानीको धारो बितरण गर्न नगरपालिका कटिबद्ध रहेको बताउनुभयो ।
