दुवाकोट: चाँगुनारायण नगरपालिका वडा नंं १ सरस्वती खेलमा नेपाल रेड्क्रस सोसाईटीको आयोजनामा दैनिक रगत संकलन केन्द्रको उद्घाटन गरिएको छ ।
लोकतन्त्र दिवसको अवसरमा आयोजित एक कार्यक्रमकाबीच चाँगुनारायण नगरपालिकाका नगर प्रमुख जीवन खत्रीले आफुले रक्तदान गर्दै दैनिक रगत संकलन केन्दको उद्घाटन गर्नुभयो ।
मानवीय सेवामा सदैब अग्रसर हुने नगर प्रमुख खत्रीको पहलमा आम नगरबासीलाई स्वास्थ्यको पहुँचमा पुर्याउन महत्वपूर्ण योगदान गर्दै आउनु भएको छ ।
सो अवसरमा बोल्नुहुँदै मेयर खत्रीले नगरबासीको स्वास्थ्यलाई ध्यान दिदै निशुल्क रगत वितरण गर्दै नगरबासिलाई उपलब्ध गराइएको, निशुल्क अक्सिजन, निशुल्क जेष्ठ नागरिक स्वास्थ्य सेवा जस्ता उदाहरणीय कार्य शुरू गरिसकेको बताउनुभयो ।
आम नगरबासीलाई रोग नै लाग्न नदिन बिभिन्न स्वास्थ्य जनचेता कार्यक्रम निरन्तर गरिरहेको उल्लेख गर्नुहुँदै सबै नगरबासीलाई स्वास्थ्यमा ध्यान दिने कुनै कसर बाँकि नराख्ने र आफ्नो स्वास्थ्यलाई आफू स्वयमले पनि ध्यान दिनुपर्नेमा जोड दिनुभयो ।
कार्यक्रममा नेपाल रेडक्रस सोसाइटी भक्तपुरका सभापती परशुराम पाण्डे, चाँगुनारायण नगरपालिका वडा नंं १ का वडाध्यक्ष सिजन कार्की र २ का वडाध्यक्ष सोम प्रधानलगायतको सहभागिता थियो ।
