भक्तपुर: चाँगुनारायण नगरपालिकाले ६७ औं सहकारी दिवस मनाएको छ ।
‘सहकारीमा सुशासन, प्रविधि र एकीकरण’ भन्ने मूल नाराका साथ नगरपालिकाले आयोजना गरेको कार्यक्रममा सयौ सहकारी संस्थाहरु प्ले कार्ड र ब्यानरसहित प्रभातफेरिमा सहभागि भएका थिए ।
नगर प्रमुख जीवन खत्रीले उद्घाटन गर्नु भएको थियो ।
नगरपालिकामा अहिलेसम्म सहकारीको अवस्था सन्तोषजनक रहेको मेयर खत्रीले बताउनुभयो ।
नगर प्रमुख खत्रीले सहकारी संस्थाहरु मूल्य मान्यता र मापदण्ड अनुसार चल्नुपर्नेमा जोड दिनुभयो ।
कार्यक्रममा नगर उपप्रमुख रमेश बुढाथोकी, विभिन्न वडाका वडाध्यक्षसहित जनप्रतिनिधिहरु र विभिन्न सहकारी संघसंस्थाका प्रतिनिधिहरुले शुभकामना मन्तब्य राख्नु भएको थियो । कार्यक्रममा सयौ सहकारी संस्था तथा सदस्यहरुको सहभागिता थियो ।
