खरिपाटी: चाँगुनारायण नगरपालिकाको स्थानीय स्काउट आयुक्तमा राजकुमार जरेजु नियुक्त हुनु भएको छ । स्थानीय स्काउट तालिम परिषद् सदस्य निर्वाचीत जरेजुलाई नगरपालिकाका नगर प्रमुख जीवन खत्रीले आयुक्तमा नियुक्त गर्नु भएको हो ।
नियम अनुसार स्थानीय परिषद् सदस्यमध्येबाट एक जनालाई नगरपालिकाका नगर प्रमुखले आयुक्त अर्थात संयोजक नियुक्त गर्ने ब्यवस्था छ । सो अवसरमा मेयर खत्रीले चाँगुनारायण स्काउटलाई जिल्लाकै उत्कृष्ठ बनाउने कार्यमा लाग्ने गरि अगाडि बढ्न शुभकामना दिनुभयो ।
स्थानीय स्काउट सदस्यमा दधिराम गेलाल, राजेश कुमार दाहाल, सुशान्त नायजु, तिलाबहादुर बस्नेत, प्रकाश कुमार कार्की, अर्चना छुंका, कमला पुरी, सिमला श्रेष्ठ, तृष्ण अधिकारी र सम्झना काफ्ले सर्वसम्मत निर्वाचीत हुनु भएको थियो ।
यसअघि चाँगुनारायण नगरपालिकाका शिक्षा,युवा तथा खेलकूद शाखा प्रमुख बीर बहादुर खडकाले परिषद् सदस्यहरुलाई प्रमाणपत्र वितरण गर्नु भएको थियो ।
